දිස්ත්‍රික් ලේකම් සමුළුව ස්වදේශ කටයුතු ගරු රාජ්‍ය අමාත්‍ය චමල් රාජපක්ෂ මැතිතුමාගේ හා ස්වදේශ කටයුතු රාජ්‍ය අමාත්‍යාංශ ලේකම් එන්.එච්.එම්. චිත්‍රානන්ද මහතාගේ ප්‍රධානත්වයෙන් ස්වදේශ කටයුතු රාජ්‍ය අමාත්‍යාංශ පරිශ්‍රය වන නිල මැදුරේ ශ්‍රවණාගාරයේ දී පැවැත්විනි.

මෙහිදී අදහස් දක්වමින් ස්වදේශ කටයුතු ගරු රාජ්‍ය අමාත්‍ය චමල් රාජපක්ෂ මහතා පැවසුවේ වර්තමානයට ගැළපෙන නව පරිපාලන ක්‍රමවේදයක් ඇති කළ යුතු බවයි. වැඩිදුරටත් අදහස් දැක්වූ අමාත්‍යතුමා “වර්තමාන සංවර්ධන ක්‍රියාවලියට ගැළපෙන ආකාරයේ පරිපාලන ව්‍යුහයක් ඇති කළ යුතුයි. මහජනතාවගේ ගැටලු ඉතා කඩිනමින් විසඳීමට දිස්ත්‍රික් ලේකම්වරු සෘජුව මැදිහත් විය යුතු“ බවත් පැවසීය.

කැලෑ කැපීම් සම්බන්ධව සමාජයේ පවතින බරපතළ චෝදනා පිළිබඳ සොයා බැලීම හා එවැනි වන විනාශ සිදුවන්නේද යන්න දිසාපතිවරුන් විසින් සොයා බැලිය යුතු බවත්, තම බල ප්‍රදේශයේවල වන විනාශයන් සිදු වනවා ද යන්න ග්‍රාම නිලධාරීවරුන්ගෙන් වාර්තා කැඳවා එසේ සිදුවී ඇත්නම් ඊට නීතිමය ක්‍රියාමාර්ග ගත යුතු බවත් අමාත්‍ය චමල් රාජපක්ෂ මහතා දිස්ත්‍රික් ලේකම්වරුන්ට උපදෙස් දෙනු ලැබීය.

මසකට වරක් පැවැත්වෙන මෙම දිස්ත්‍රික් සමුළුව සඳහා ස්වදේශ කටයුතු රාජ්‍ය අමාත්‍යාංශයේ ලේකම් එන්.එච්.එම්. චිත්‍රානන්ද , අතිරේක ලේකම් (පාලන) කේ.ජී. විජේසිරි, අතිරේක ලේකම් (ස්වදේශ කටයුතු) කේ.ජී. ධර්මතිලක යන මහත්වරු සහ රාජ්‍ය නිලධාරීන් රැසක් සහභාගී වී සිටියහ.

රැකියා විරහිත උපාධිධාරීන් රැකියාගත කිරීමේ රජයේ වැඩසටහන යටතේ වසර කාලයක් අභ්‍යාසලාභී උපාධිධාරීන් ලෙස සේවය කළ නවන නිලධාරීන් සියලු දෙනාට ස්ථිර පත්වීම් ලබා දීම අද දින සිදු විය. මෙම වැඩසටහනට සමගාමීට ස්වදේශ කටයුතු රාජ්‍ය අමාතයාංශයට අනුයුක්ත උපාධිධාරී අභ්‍යාසලාභීන්ට ස්ථාර පත්වීම් ලබාදීම අමාත්‍යාංශ ලේකම් එන්.එච්.එම්. චිත්‍රානන්ද මහතාගේ ප්‍රධානත්වයෙන් අමාත්‍යාංශ පරිශ්‍රයේදී පැවැත්විණි. මේ අනුව සංවර්ධන නිලධාරී (III) ලෙස නවක නිලධාරීන් 50 දෙනෙකුට ස්ථිර පත්වීම් ලැබිණි.

New Secretary Mr. N.H.M. Chithrananda assumes duties on 2nd March 2021 at Nila Medura State Ministry of Home Affairs

රත්නපුර ප්‍රාදේශීය ලේකම් කාර්යාල නාමාවලියේ නව ප්‍රාදේශීය ලේකම් කාර්යාල ලෙස “කල්තොට ප්‍රාදේශීය ලේකම් කාර්යාලය“ 2021.03.02 දින ජනගත කෙරිණි. රත්නපුර දිස්ත්‍රික් ලේකම් මාලනී ලොකුපොතානගම මැතිණියගේ අතින් විවෘත වූ මෙම නව ප්‍රාදේශීය ලේකම් කාර්යාලය රත්නපුර දිස්ත්‍රික්කයේ 18 වන ප්‍රාදේශීය ලේකම් කාර්යාලයයි. මෙම කල්තොට ප්‍රාදේශීය ලේකම් කොට්ටාශය ජනගත කිරීමට සාපේක්ෂව කල්තොට ප්‍රාදේශීය ලේකම් කොට්ටාශයේ ප්‍රථම ප්‍රාදේශීය ලේකම්වරිය ලෙස ශ්‍රී ලංකා පරිපාලන සේවයේ ii වන ශ්‍රේණියේ නිලධාරිනියක වන පී.ජී.එන්. වීරසූරිය මහත්මිය රාජකාරි භාර ගැනීමද සිදු විය.

රාජ්‍ය සේවයේ කාර්යක්ෂමතාවය සහ ඵලදායිතාවය ඉහළ නැංවීම සඳහා සේවා අවශ්‍යතාවය අනුව යටිනුවර ප්‍රාදේශීය ලේකම් කාර්යාලයේ පස් මහල් ගොඩනැගිල්ල පසුගිය 17 දින වාරිමාර්ග අමාත්‍ය සහ රාජ්‍ය ආරක්ෂක, ස්වදේශ කටයුතු සහ ආපදා කළමනාකරණ රාජ්‍ය අමාත්‍ය චමල් රාජපක්ෂ මැතිතුමාගේ සුරතින් විවෘත කරන ලදී. රට හදන සෞභාග්‍යයේ ප්‍රතිපත්තියට අනුව ගුණාත්මක මහජන සේවාවක් ඇති කිරීම මෙමගින් බලාපොරොත්තු වේ. නවීන තාක්ෂණයට අනුව ඉදිකරන ලද මෙම ගොඩනැගිල්ල සඳහා ස්වදේශ කටයුතු අමාත්‍යාංශයෙන් පූර්ණ අධීක්ෂණය යටතේ රුපියල් ලක්ෂ 825 ක් වැයවී තිබේ.

FaLang translation system by Faboba