ජාතික ආහාර සුරක්ෂිතතාව පිළිබඳ රත්නපුර දිස්ත්‍රික් ප්‍රගති සමාලෝචන රැස්වීම 2022.11.12 දින රත්නපුර දිස්ත්‍රික් ලේකම් කාර්යාලයේදී අග්‍රාමාත්‍ය දිනේෂ් ගුණවර්ධන මහතාගේ ප්‍රධානත්වයෙන්, ස්වදේශ කටයුතු රාජ්‍ය අමාත්‍ය අශෝක ප්‍රියන්ත මහතා සහ මැති ඇමතිවරුන්ගේ සහභාගිත්වයෙන් පැවැත්විණි.
රත්නපුර දිස්ත්‍රික් ප්‍රගති සමාලෝචන රැස්වීම සඳහා සබරගමු පළාත් ආණ්ඩුකාර ටිකිරි කොබ්බෑකඩුව, රාජ්‍ය අමාත්‍යවරුන් වන ජානක වක්කුඹුර, ප්‍රේමලාල් ජයසේකර, පාර්ලිමේන්තු මන්ත්‍රීවරුන් වන අකිල එල්ලාවල, පවිත්‍රා වන්නිආරච්චි, ජෝන් සෙනෙවිරත්න, මුදිතා සොයිසා, ගාමිණී වලේබොඩ, වරුණ ප්‍රියන්ත ලියනගේ යන මහත්ම මහත්මීන්, පළාත් පාලන ආයතන ප්‍රධානීන් මෙන්ම රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශයේ ලේකම් එම්.එම්.පී.කේ මායාදුන්නේ මහතා, රත්නපුර දිස්ත්‍රික් ලේකම් මාලනී ලොකුපෝතාගම මහත්මිය ඇතුළු රාජ්‍ය නිලධාරීන් රැසක් එක්ව සිටියේය.
